سەرۆكوەزیران بارزانی پێشوازی لە باڵیۆزی کۆریای باشوور لە عێراق دەکات

ئاڤا نیوز

 سەرۆكوەزیران بارزانی، پێشوازی لە چۆی سونگ سوو، باڵیۆزی کۆریای باشوور لە عێراق کرد.

ئەوەی پێویستە بیزانیت: لە کۆبوونەوەدا کە سینچۆل لیم، کونسولی گشتیی کۆریای باشوور لە هەرێمی کوردستان ئامادەی بوو، جەخت لە پەرەپێدانی زیاتری پەیوەندییەکانی هەرێمی کوردستان و کۆریا کرا.

بابەتی ستراتیژی: باڵیۆزی کۆماری کۆریا، ستایشی دیدگای سەرۆکی حکومەتی کرد لە کارکردن بە ئاراستەی بەرەوپێشبردن وگەشەپێدانی هەرێمی کوردستان لە هەموو بوارەکاندا.

لێدوانی فەرمی: باڵیۆزی کۆریای باشوور هەروەها ئاماژەی بە پەیوەندی دۆستانەی وڵاتەکەی لەگەڵ هەرێمی کوردستان کرد کە بیست ساڵ لەمەوبەر تیپی سەربازی (زەیتوون)ی کۆریا هاتنە هەرێمی کوردستان و پەیوەندییە فەرمییەکانی نێوان هەردوولا دەستی پێکرد و چەندین پڕۆژەی گرنگییان لە کوردستان ئەنجامدا بەتایبەتی لە ڕێگەی ئاژانسی هاریکاری نێودەوڵەتیی کۆریا/کۆیکا.

لە لایەكی دیكەوە: سەرۆکی حکومەت سوپاس و پێزانینی هەرێمی کوردستانی بۆ پشتیوانیی و هاریکاری و بەشداری کۆریای باشوور لە پرۆسەی بەرەوپێشبردنی هەرێم دەربڕی و جەختی لە گرنگیی سوود وەرگرتن لە ئەزموونی سەرکەوتووی ئەو وڵاتە لە بوارە جۆراوجۆرەکاندا کردەوە.