ئیسرائیل لە هێرشی سەر كەمپی ئاوارەكانی ڕەفەح چەكی ئەمریكی بەكارهێناوە

ئاڤا نیوز

بە گوێرەی ڕاپۆرتێکی شیکاریی ئاژانسی سی ئێن ئێن، ئیسرائیل لە هێرشکردنە سەر کەمپی ئاوارەکانی ڕەفەح چەکی ئەمریکی بەکارهێناوە.

وێنە گەورەکە: بە گوتەی شارەزایانی سەربازی، ئیسرائیل بە گولـلەی جۆری 'جی بی یوو 39' هێرشەکەی ئەنجام داوە کە درووستکراوی کۆمپانیای بۆینگی ئەمریکییە؛ لە پێکانی ئامانجەکاندا وردە و بە چەکێکی ستراتیژی دادەنرێت.

باکگراوند: لە هێرشێكی ئیسرائیل بۆ سەر كەمپی ئاوارەكانی ڕەفەح كە ڕۆژی یەکشەممەی ڕابردوو ڕوویدا، لانیکەم 45 کەس کوژران و زیاتر لە 200 کەسی دیکەش بریندار بوون، کە زۆربەیان ژن و منداڵن، ئەمەش کاردانەوەی نێودەوڵەتی فراوانی بە دوای خۆیدا هێنا.

بۆچی گرنگە: جۆ بایدن، سەرۆکی ئەمریکا، پێشتر ڕایگەیاندبوو ڕێگە نادات ئەمریکا بۆ هێرشکردنە سەر ڕەفەح چەکی ئەمریکی بەکار ببات.