هەڤاڵ ئەبوبەکر: ئاڤا بووە بە ئەڵقەی ڕێکخستنەوەی کۆمەڵایەتی

ئاڤا نیوز

 

پارێزگاری سلێمانی ڕایگەیاند، هەنگاوەکەی ئاڤا بە کارێکی پیرۆز و سەرکەوتوو دەزانێت و پشتیوانی لێ دەکات.

 

وێنە گەورەکە: ئەمشەو کاتژمێر 10 ڕیال مەدرید و بڕووسیا دۆرتمۆند لە یاریگەی وێمبڵی بەیەک دەگەن، ئاڤا سپۆرت کەرنەڤاڵێکی جەماوەریی وەرزشی لە شەقامی ئیسکان بە ئامادەبوونی گەنجانی هەموو شار و شارۆچکەکانی کوردستان ڕێکخستووە و لە سێ شاشەی گەورەوە سەیری یارییەکە دەکەن. 

لێدوانی فەرمی: هەڤاڵ ئەبوبەکر، پارێزگاری سلێمانی، بە ئاڤا نیوزی ڕاگەیاند: هەر بەرنامە و پرۆژەیەک کۆمەڵگە بە جیاوازییەکانییەوە کۆبکاتەوە بە کارێکی پیرۆز و سەرکەوتووی دەزانم، ئەم دەستپێشخەرییەی ئاڤا جۆرێکە لە ڕێکخستنەوەی ئەڵقەی کۆمەڵایەتی و بەرز ڕاگرتنی گیانی یەکتر قبوڵکردن و بە قۆناغێکی گەشەکردنی کۆمەڵگەی دەزانم.

 

چیرۆکی سەرەکی: کاتژمێر 10:00ـی ئەمشەو، 01-06-2024 یاریی کۆتایی چامپیۆنزلیگ لەنێوان هەردوو یانەی ڕیال مەدرید و بڕووسیا دۆرتمۆند بەڕێوەدەچێت.