مۆڵەتی هەڵگرتنی چەک لە ترەمپ دەسەنرێتەوە

ئاڤا نیوز

پۆلیسی نیویۆرک ئامادەكاری دەكات بۆ سەندنەوەی مۆڵەتی هەڵگرتنی چەک، لە دۆناڵد ترەمپ سەرۆکی پێشووی ئەمریکا و بەربژێری کۆمارییەکان بۆ هەڵبژاردنی سەرۆکایەتی.

وێنە گەورەکە: دوای ئەوەی دادگە تۆمەتەکانی سەر دۆناڵد ترەمپی سەبارەت بە ساختەکردنی تۆماری دارایی و پێدانی پارە لە بەرامبەر بێدەنگکردن ساغکردەوە، ئێستا پۆلیسی نیویۆرک ئامادەکاری دەکات تا مۆڵەتی چەکهەڵگرتن لە ترەمپ وەربگرێتەوە. 

زانیاریی زیاتر: لە یەکی نیسانەوە مۆڵەتی چەکهەڵگرتنی ترەمپ، لە بەر تۆمەتبارکردنی، هەڵپەسێردراوە. دوای سا‌غبوونەوەی تۆمەتەکان و بە تاوانبار ناساندنی مۆڵەتەکەی هەڵدەوەشێتەوە. 

ئەوەی پێویستە بیزانیت: ترەمپ سێ دەمانچەی بە مۆڵەتی هەیە، ڕۆژی 31-3-2024 دوو دانەیانی ڕادەستی پۆلیسی نیویۆرک کردووە و سێیەمیشیان بە شێوەی یاسایی بۆ فلۆریدا گوازراوەتەوە، هاوکات ئەو وەک سەرۆکی پێشووی ئەمریکا لە ژێر پاراستنی بەردەوامی دامەزراوەی ئاسایشی نهێنیی ئەمریکادایە.

بۆچی گرنگە: وەرگرتنەوەی مۆڵەتی چەکهەڵگرتن زیان بە ناوبانگی ترەمپ دەگەیێنێت، ئەو بەربژێری کۆمارییەکانە بۆ هەڵبژاردنی سەرۆکایەتیی ئەمریکا کە 5-11-2024 بەڕێوە دەچێت.