ئاماری کۆتایی حاجییانی ئەمساڵ بڵاو دەکرێتەوە

ئاڤا نیوز

 

دەستەی گشتیی ئاماری سعودیە ڕایدەگەیێنێت، کۆی گشتیی حاجییانی ئەمساڵ گەیشتووەتە نزیكەی دوو ملیۆن حاجی.

 

وێنە گەورەكە: لە سەرتاسەری جیهانەوە بە چەند ڕۆژێک پێش جەژنی قوربان، ئەو كەسانەی دەیانەوێت فەریزەی حەج  جێبەجێ بكەن سەردانی سعودیە دەكەن، هەموو ساڵێکیش وەزارەتی حەج و عومرەی ئەو وڵاتە بە پلانێكی تۆكمە ئاماری گشتیی حاجییان دیاری دەكات.

 

ژمارەكان وادەڵێن:

-ئەمساڵ 1,833,164 حاجی فەریزەی حەجییان ئەنجام دا. 
-لە نێویاندا 1,611,310 حاجی لە دەرەوەی سعودیەوە بۆ حەج چوونەتە مەككە. 
-ژمارەی حاجییانی ناوخۆی وڵاتەكەش گەیشتووەتە 221,854 حاجی.
-ژمارەی حاجییانی پیاو لە کۆی گشتیی حاجییانی ناوخۆ و دەرەوەی وڵات، گەیشتووەتە 958 هەزار و 137 حاجی.
-ژمارەی حاجییانی ژن لە کۆی گشتی حاجییانی ناوخۆ و دەرەوەی وڵات گەیشتووەتە 875 هەزار و 27 حاجی.

 

ئەمەش بزانە:

-ڕێژەی حاجییان کە لە وڵاتانی عەرەبییەوە هاتوون، 22.3% بووە.
-ڕێژەی حاجییانی وڵاتانی ئاسیا جگە لە وڵاتانی عەرەبی، 63.3% بووە.

-ڕێژەی حاجییان لە ئەفریقاوە 63.3% بووە. 
-ڕێژەی ئەو حاجییانەی لە ئەوروپا و ئەمریكاوە سەردانی سعوودییەیان كردووە %3.2بووە.

 
حاجییان بە سێ ڕێگە گەشتی سعودیەیان کردووە:

 -1,546,345 حاجی لە ڕێگەی ئاسمانییەوە گەیشتوونەتە سعودیە.
-60,251 حاجی لە ڕێگەی وشکانییەوە گەیشتوونەتە سعودیە.
-چوارهەزار و 714 حاجی لە ڕێگەی دەریایی گەیشتوونەتە سعودیە.