لە هەڵبژاردنی پێشوەختەی فەرەنسا کام پارت براوە دەبێت؟

ئاڤا نیوز

 

هەڵبژاردنی پێشوەختەی پەرلەمانی فەڕەنسا دەکرێت و پێشبینی دەکرێت ڕاستڕەوەکان زۆرینەی دەنگەکان بەدەست بهێنن.

 

وێنە گەورەکە: هەڵبژاردنی پێشوەختە لە فەرەنسا دەستیپێکردووە، هەڵبژاردنەکە بە دوو خول دەکرێت و خولی دووەم لە 7-7-2024 بەڕێوەدەچێت.

ئەوەی پێشبینی دەکرێت: بەگوێرەی ڕاپرسیی دەزگای هەواڵی لومۆندی فەرەنسی، پارتی گردبوونەوەی نیشتیمانی دەتوانێت لە خولی یەکەمی هەڵبژاردندا 35%ـی کورسییەکان بەدەست بهێنێت. هاوپەیمانیی بەرەی جەماوەریی نوێ، کە بەرەیەکی چەپڕەوە، 29%ـی کورسییەکان بەدەست دێنێت. بەڵام پارتەکەی ئیمانوێل ماکرۆن، کە پارتێکی میانڕەوە تەنیا نزیکەی 20%ـی کورسییەکان مسۆگەر دەکات.

 

زانیاریی زیاتر: بەگوێرەی ڕاپرسییەک چاوەڕوان دەکرێت ڕێژەی بەشداریی هەڵبژاردن لە 60% زیاتر بێت.

 

ئەوەی پێویستە بیزانیت: پەرلەمانی فەرەنسا لە 577 کورسی پێکدێت کە نوێنەرایەتیی ناوچە جیاوازەکان دەکرێت. خولی دووەمی هەڵبژاردنەکە ڕۆژی 7-7-2024 دەکرێت.