کارمەندانی کۆمیسیۆنی هەڵبژاردنەکانی عێراق داوای شایستە داراییەکانیان دەکەن

ئاڤا نیوز

 

کارمەندەکانی کۆمیسیۆنی هەڵبژاردنەکانی عێراق و سەرپەرشتیارانی سندووقەکانی دەنگدان، داوای شایستە داراییەکانی سەرپەرشتییکردنی پرۆسەی هەڵبژاردنی ئەنجوومەنی پارێزگاکان لە حکومەت دەکەن.

 

وێنە گەورەکە: تاوەکو ئێستا کارمەند و سەرپەرشتیارانی کۆمیسیۆنی هەڵبژاردنەکانی عێراق لە هەڵبژاردنی ئەنجوومەنی پارێزگاکان لە ساڵی ڕابردوو شایستە داراییەکانیان وەرنەگرتووە و داوا لە حکومەت دەکەن بۆیان خەرج بکات.

 

لێدوانی فەرمی: سەرچاوەیەک لە کۆمیسیۆنی باڵای هەڵبژاردنەکانی عێراق بە ئاڤا نیوزی ڕاگەیاند، "هێشتا فەرمانی  خەرجکردنی پارەکانی کارمەندانی کۆمسیۆن لە هەڵبژاردنی پارێزگاکان نەدراوە، بەم زووانە پارەکەنیان خەرج دەکرێت".

 

زانیاریی زیاتر: شایستە داراییەکانی کارمەندەکانی کۆمیسیۆن 150 هەزار دینارە و سەرپەرشتیارانی سندووقەکانیش 250 هەزار دینارە.

 

ئەوەی پێویستە بیزانیت: لە 18ی کانوونی یەکەمی ساڵی 2023 هەڵبژاردنی ئەنجوومەنی پارێزگاکانی عێراق بەڕێوەچوو.