دەستدرێژیکردنە سەر منداڵێکی سووری لە تورکیا کاردانەوەی لێدەکەوێتەوە

ئاڤا نیوز

 

لە قەیسەریی تورکیا منداڵێکی تەمەنی 7 ساڵانی  کۆچبەری سووری لەلایەن چەند هاووڵاتییەک دەستدرێژی دەکرێتە سەر و ئەردۆغانیش ئۆپۆزسیۆن تۆمەتبار دەکات.

 

وێنە گەورەکە: بە گوێرەی قسەی شایەتحاڵەکان، لە ناحیەی مەلیکگازی قەیسەری، کاتێک بینراوە منداڵێکی تەمەن حەوت ساڵ لایەن هاووڵاتییەکەوە دەستدرێژی دەکرێتە سەر، گرووپێک لەوێ هێرش دەکەنە سەر ئەو کەسە و ئۆتۆمبێلەکانی سەر شەقامەکە وەردەگەڕێنن و دووکانەکانیش دەسووتێنن.

 

کاردانەوەکان: ڕەجەب تەیب ئەردۆغان، سەرۆککۆماری تورکیا ئیدانەی جیاکاری و ڕەزگەزپەرسی کرد، پارتە ئۆپۆزسیۆنەکانی بۆ ئەم کارە تۆمەتبار کرد.

عەلی یەریکایە، وەزیری ناوەخۆی تورکیا ڕایگەیاند، 67 کەس لە شوێنی ڕوودوەکە دەستبەسەرکراون، 15 پۆلیس برینداربوون.

 

یڵماز تونج، وەزیری دادی تورکیا گوتی: ئەو کەسانەی تۆمەت بۆ وڵاتەکەمان دروست دەکەن و ئەو هەواڵەیان لە سۆشیاڵ میدیا گەورە کرد، لێکۆڵینەوە لە هەژمارەکانیان دەستی پێکردووە و سەرجەمیان دەستگیر دەکرێن.

 

زانیاریی زیاتر: ئێستا منداڵەکە و خێزانەکەی لە ژێر چاودێریی دەوڵەتدان.