90 کەس بەتۆمەتی تێوەگلان لە هێرشەکەی بەردەم دادگەی ئیستەنبووڵ دەستگیرکران

ئاڤا دیجیتاڵ

 

بە تۆمەتی تێوەگلان لە هێرشەکەی دوێنێی بەرەم دادگەی ئیستەنبووڵ، تورکیا لە 25 ئۆپەراسیۆندا 90 کەسیان دەستگیرکردووە. 

 

وێنە گەورەکە: دوێنی چەند چەکدارێک هێرشیان کردە سەر خاڵی پشکنینی دادگەی چاغڵیان لە ئێستەنبووڵ، پۆلیس ڕاستەوخۆ دوو لە هێرشبەرەکانی کوشت و یەکێکی دیکەش بە برینداری دەستگیرکرا.

 

لێدوانی فەرمی: عەلی یەرلیکایا، وەزیری ناوخۆی تورکیا ڕایگەیاند: بەتۆمەتی تێوەگلان لە هێرشە تیرۆریستییەکەی سەر دادگەی ئیستەنبووڵ، لە 25 ئۆپەراسیۆن 90 کەس دەستگیرکران.

 

ئەوەی پێویستە بیزانیت: لە هێرشەکەی دوێنێی بەردەم دادگەی ئیستەنبووڵ 3 پۆلیس و 6 کەسی دیکە برینداربوون، یەکێک لە بریندارەکان ئەم بەیانییە گیانی لەدەستدا.