سەرۆک بارزانی و هاوپەیمانیی بەڕێوەبردنی دەوڵەت کۆبوونەوە

ئاڤا نیوز


دوای کۆبوونەوەی لەگەڵ سوودانی، سەرۆک بارزانی لەگەڵ سەرکردەکانی هاوپەیمانیی بەڕێوەبردنی دەوڵەت (لایەنە پێکهێنەرەکانی حکومەتی عێراق) لە میوانخانەی سەرۆکوەزیرانی عێراق لە بەغدا  کۆبووەوە.


چاوەڕوانکراوەکان: سەرۆک بارزانی کۆمەڵێک پرسی لەگەڵ لایەنە پێکهێنەرەکانی هاوپەیمانێتییەکە تاوتوێ کردووە و یەکێک لەوانەش جێبەجێنەکردنی بەشێک لە خاڵەکانی ڕێككەوتنی لایەنەكانە بۆ پێکهێنانی حکومەت.

ئەوەی پێویستە بیزانیت: پێشتر پارتی لە چەند ڕاگەیێنراوێکدا نیگەرانیی خۆی لەبارەی جێبەجێنەکردنی خاڵەکانی ڕێککەوتنی پێکهێنانی حکومەتی عێراق دەربڕیوە و جەختی لەم خاڵانە دەکردەوە:

-  گەرەنتیکردنی پاراستنی قەوارەی هەرێمی کوردستان.

- دڵنیاییدان لە زێدەڕۆیی نەکردن بۆ سەر دەسەڵاتەکانی هەرێمی کوردستان.

- هەموارکردنەوەی بودجە و دەرکردنی یاسای نەوت و گاز.

- پێکهێنانی ئەنجوومەنی باڵای فیدراڵی.

- گەرەنتیکردنی ناردنی شایستە داراییەکان و دەستپێکردنەوەی هەناردەی نەوتی هەرێمی کوردستان.