کچە کوردێک بەربژێرە بۆ پەرلەمانی بەریتانیا

ئاڤا نیوز

کچە کوردێک دەبێتە یەکێک لە بەربژێرەکانی پارتی پارێزکارانی بەریتانیا بۆ هەڵبژاردنی پەرلەمانی ئەو وڵاتە.

 

لێدوانی فەرمی: یاسەمین ئەترووشی بە ئاڤا نیوزی گوت، "من یەکەم کچە کوردم کە نوێنەرایەتی پارتی پارێزکاران دەکەم لەم هەڵبژاردنەدا." 

 

زانیاریی زیاتر: یاسەمین لە بەریتانیا لەدایک بووە و لە کەرتی تەندروستیی ئەو وڵاتە کار دەکات، باوکی پزیشکە و خەڵکی دهۆکە و دایکیشی دەرمانسازە و خەڵکی کۆیەیە، ئەو لە بازنەی وارینگتۆن نۆرسی بەریتانیا خۆی کاندید کردووە. 

 

ئەوەی پێویستە بیزانیت: ئەمڕۆ پێنجشەممە، 4-7-2024 هەڵبژاردنی پەرلەمانی بەریتانیا بەڕێوە دەچێت کە بۆ 650 بازنەی دەنگدان دابەش کراوە، لە هەر بازنەیەک یەکێک لە بەربژێرەکان سەردەکەوێت و دەبێتە ئەندامی پەرلەمانی بەریتانیا.