پارتی كار یاسای ناردنی پەنابەران بۆ ڕواندا هەڵدەوەشێنێتەوە

ئاڤا نیوز

دوای ئەوەی پارتی کار توانی لە هەڵبژاردنەکانی بەرتانیا سەرکەوتنی گەورە بەدەستبهێنێت، یاسای ناردنی پەنابەران بۆ ڕواندا هەڵدەوەشێنێتەوە.

وێنە گەورەکە: لە بانگەشەی هەڵبژاردنەکانی بەریتانیادا، یەکێک لە دروشمەکانی پارتی کار بریتی بوو لە هەڵوەشاندنەوەی یاسای ناردنی پەنابەران بۆ ڕواندا دوای ئەوەی پارتەکە زۆرترین دەنگی بەدەستهێنا بڕیاریدا ئەو یاسایە هەڵبوەشێنێتەوە.

لێدوانی فەرمی: بەختیار مام شێخ، ئەندامی پارتی کار و ئەندامی شارەوانی شاهانەی (کنزنگتن و چێڵسی) لەندەن بە ئاڤا نیوزی ڕاگەیاند:" دوای ئەوەی پارتەکەی توانی زۆرترین دەنگ بەدەستبهێنێت و حکومەت پێکبهێنێت، بەڵێنەکەی جێبەجێدەکات و ناردنی پەنابەران بۆ ڕواندا هەڵدەوەشێنێتەوە و لە ئێستاوە بڕیارەکە جێبەجێدەکرێت".

ژمارەکان وادەڵێن: بەپێی ئەنجامی بەرایی هەڵبژاردنەکان ژمارەکان بەم شێوەیەن:
پارتی کار: 412 کورسی
پارتی پارێزگاران: 121 کورسی
پارتی دیموکراتە لیبراڵەکان: 71 کورسی
پارتی ڕیفۆرم: 9 کورسی
سەرجەم پارتەکانی دیکە: 27 کورسی