دوو فەرماندەی کەتائیبی حیزبوڵڵا لە هێرشەکەی بەغدا کوژران

ئاڤا دیجیتاڵ 

ئەمشەو ئەمریکا لە شاری بەغدا بە فڕۆکەی بێفڕۆکەوان هێرشی کردە سەر ئۆتۆمبێلێکی حەشدی شەعبی و بەهۆیەوە دوو سەرکردەی کەتائیبی حیزبوڵڵا کوژران.

سەرچاوەی نافەرمی: میدیاکانی نزیک لە گرووپە چەکدارەکان بڵاویان کردووەتەوە، دوو فەرماندەی مەیدانی کەتائیبی حیزبوڵڵای عێراق بە ناوەکانی ئەرکان عەلیاوی و ئەبوباقر ساعیدیی لە هێرشەکەدا کوژراون.

زانیاری زیاتر: ئەبوباقر ساعیدی، بەرپرسی مووشەکەکانی کەتائیبی حیزبوڵڵا بووە و لە هێرشەکەدا دوو لە پاسەوانەکانیشی کوژراون. ئەرکان عەلیاوی، بەڕێوەبەری پەیوەندییەکانی دەرەوەی کەتائیبی حیزبوڵڵا بووە.

لەلایەکی دیکەوە: بەرپرسێكی باڵای ئەمریكا بە دەنگی ئەمریكای ڕاگەیاندووە، "ئۆپەراسیۆنێكمان لە بەغدا بۆ كوشتنی سەركردەیەكی باڵای گرووپە چەكدارەكان ئەنجامدا كە بەرپرسیارێتی گەورەی هەبووە". ئەو بەرپرسەی ئەمریكا گوتوویەتی "نێچیرێكی بەهادارمان بەئامانج گرتووە".
 
ئەبوباقر ساعیدی، بەرپرسی مووشەکەکانی کەتائیبی حیزبوڵڵا بووە.

 

ئەرکان عەلیاوی، بەڕێوەبەری پەیوەندییەکانی دەرەوەی کەتائیبی حیزبوڵڵا بووە.