ئەمریكا سەرجەم هێزەكانی لە پایتەختی وڵاتێكی ئەفریقی دەكشێنێتەوە

ئاڤا نیوز

ئەمریكا سەرجەم هێزەكانی لە بنكەی ئاسمانی 101 لە نیامی پایتەختی نەیجەر كشاندەوە.

وێنە گەورەكە: ئەمریكا 766 سەربازی لە بنكەی 101ی نیامی پایتەختی وڵاتی نەیجەر هەبوو، لەبەیاننامەیەكی هاوبەشی هەردوو وڵاتدا كۆتایی بە ئەركەكانی ئەو هێزە هێنرا و تەواوی هێزەكە و كەلوپەلەكانیان كشانەوە.

زانیاریی بەدەستهاتوو: ئەمریكا دەبێت تا 15ی ئەیلولی ساڵی داهتوو سەرجەم هێزەكانی لە شاری ئاگادێزی باكووری نەیجەریش بكشێنێتەوە كە ژمارەیان سەرو 500 سەربازە.

لێدوانی فەرمی:بەرپرسێکی سەربازی ئەمریکی بە ئاژانسی “سپۆتنیک”ی ڕووسیی ڕاگەیاندووە: ویلایەتە یەکگرتووەکانی ئەمریکا لە چوارچێوەی کشانەوەی هێزەکانی لەم وڵاتە، نزیکەی 60 سەربازی خۆی ڕەوانەی ئەڵمانیا کردووەتەوە و لەوێ بەردەوام دەبن لە خزمەتکردن.