یەكەم پەیامی حیزبوڵڵای عێراق دوای هێرشەكەی بەغدا

ئاڤا دیجیتاڵ

حیزبوڵڵای عێراق یەكەم پەیامی دوای هێرشەكەی ئەمشەوی بەغدا بڵاوكردەوە و كوژرانی فەرماندەكەی  پشتڕاستكردەوە، ئەبو حوسێن محەمەداوی ئەمینداری گشتی كەتائیبی حیزبوڵڵای عێراق ڕایگەیاند" كوژرانی ئەبو  باقر ساعدی سوورترمان دەكات لەسەر جیهاد."

 

چیرۆكی سەرەكی: ئەندامێكی سەر بە گرووپی كەتائیبی حیزبوڵڵا، كە نەیویست ناوی ئاشكرا ببێت، بە ئاژانسی فڕانس پرێسی ڕاگەیاند " درۆنێك سێ مووشەكی گرتووەتە ئۆتۆمبێلێك و دوو كەسی كوشتووە، یەكێكیان فەرماندەی كەتائیبی گرووپی حیزبوڵڵایە، كە بەرپرسی كاروباری سەربازیی گرووپەكەیە لە سووریا. ئەو فەرماندە كوژراوە لە ڕابردوودا دەستیان لە هێرشەكانی سەر هێزەكانی ئەمریكا لە عێراقدا هەبووە".

لێدوانی فەرمی: فالح فەییاز، كە بەرپرسی حەشی شەعبییە، گوتی "بەئامانجگرتنی حەشدی شەعبی یاریكردنە بە ئاگر".

وێنە گەورەكە: ئەم هێرشە لە كاتێكدایە كە گرژییەكانی نێوان ئەمریكا و گرووپە چەكدارەكانی سەر بە ئێران لە عێراق و سووریا لە زیادبووندان.