سکاڵا دژی تۆمەتبارانی سووتاندنی بازاڕی چەلێی دهۆک تۆمار دەکرێن

ئاڤا نیوز

 

دوای دەستگیرکردن و ئاشكراکردنی تۆمەتبارانی ڕووداوەکانی ئاگرکەوتنەوەکانی هەولێر و دهۆک، بڕیارە ئەمڕۆ لە دهۆک سکاڵا لەسەر تۆمەتباران تۆمار بکرێت.

 

وێنە گەورەکە: ڕۆژی 01-07-2024، وەزارەتەکانی ناوخۆی هەرێمی کوردستان و عێراق دەستگیرکردنی تۆڕێکی سێ کەسییان بەتۆمەتی سووتاندنی بازاڕەکانی هەولێر، دهۆک و کەرکووک ڕاگەیاند و ئاماژەیان بەوەدا کە تۆڕەکە "سەر بە پەکەکەن".

 

لێدوانی فەرمی: وەڵات ئوزمانی، بەرپەرسی لقی دهۆكی سەندیكای كرێكاران لە شاری دهۆک بە ئاڤا نیوزی ڕاگەیاند، لە ماوەکانی ڕابردوودا 38 دووکانداری بازاڕی چەلێی دهۆک سکاڵایان لەسەر سووتانی دووکانەکانیان تۆمارکردبوو، بەڵام لایەنی تۆمەتبار دیار نەبوو، ئێستاش کە لایەنەکە دیاربووە ئەمڕۆ لە دادگەی دهۆک سکاڵاکان تۆمار دەکرێنەوە.

 

لەلایەکی دیکەوە: نەبەز عەبدولحەمید، قایمقامی قەزای ناوەندیی هەولێر بە ئاڤا نیوزی گوت، زیاتر لە 120 دووکاندار و کاسبكاری بازاڕی لەنگە و قەیسەریی هەولێر دژی سووتاندنی دووکانەکانیان لە بنکەکانی پۆلیس سکاڵای یاساییان تۆمار كردووە.