حوسییەکانی یەمەن بە مووشەک و درۆن هێرشیان کردە سەر پایتەختی ئیسرائیل

ئاڤا نیوز

حوسییەکانی یەمەن بەرپرسیارێتی هێرشە درۆنی و مووشەکییەکانی سەر تێلەڤیڤی پایتەختی ئیسرائیلیان گرتە ئەستۆ،

وێنە گەورەکە: بەرەبەیانی ڕۆژی هەینی 19-7-2024، هێرشێکی درۆنی و مووشەکی کرایە سەر تێلئەڤیڤ. هێرشەکە دوای ئەوە هات کە سوپای ئیسرائیل کوژرانی فەرماندەیەکی باڵای حیزبوڵای لە باشووری لوبنان ڕاگەیاند.

ڕاگەیێنراوی فەرمی: سوپای ئیسرائیل ڕایگەیاند: "لێکۆڵینەوە سەرەتاییەکان ئەوە نیشان دەدەن کە تەقینەوەکەی تێلئەڤیڤ بە هۆی خستنەخوارەوەی ئامانجێکی ئاسمانییەوە بووبێت".

لە لایەكی دیكەوە: یەحیا سەریع، گوتەبێژی حوسییەکان ڕایگەیاند "کردەیەکی جۆریمان ئەنجام داوە و تێلئەڤیڤمان کردووەتە ئامانج."

ئەوەی لەوبارەیەوە دەگوترێت: بەشێک لە میدیا عەرەبی و جیهانییەکان دەڵێن "بەهۆی هێرشەکەوە کەسێک کوژراوە، بەڵام تا ئێستا ئیسرائیل ئەوەی پشتڕاست نەکردووەتەوە".