ئیسرائیل بەرپرسیارێتی خۆی لە هێرشکردنە سەر یەمەن ڕاگەیاند

ئاڤا نیوز

دوای هێرشی حوسییەکان بۆ سەر شاری تێلئەڤیڤ،  ئێوارەی ئەمڕۆ شەممە ئیسرائیل لەڕێگەی فڕۆکەی جەنگییەوە بەچڕی چەند پێگەیەکی حوسییەکانی لە شاری حودەیدەی یەمەن بۆردوومان کرد.

وێنە گەورەكە: ئاڵۆزی نێوان حووسییەكان و ئیسرائیل گەیشتووەتە ئاستێکی مەترسیدار بۆ سەر تەواوی ڕۆژهەڵاتی ناوەڕاست و, هەردوولا بەتووندی هێرش دەكەنە سەر یەكتر.

زانیاری بەدەستهاتوو: میدیاکانی ئیسرائیل باس لەوە دەکەن هێرشەکە لەلایەن فڕۆکەکانی ئێف 15ی وڵاتەکەیان کراوە.

 

ئەمەش بزانە: هەرچەندە سەرەتا باس لەوە کرا هێرشەکە بە هاوبەشی لە نێوان ئەمریکا و بەریتانیا کراوە، بەڵام  ئاژانسی ئەکسیۆسی ئەمریکی لە زاری بەرپرسێکی ئیسرائیلی ڕایگەیاندووە "هێرشەکە تەنیا لەلایەن ئیسرائیلەوە کراوە".