وادەی ئەنجامدانی تیروپشک بۆ لیست و بەربژێرەکان ئاشکرا دەکرێت

ئاڤا نیوز

 

بە گوێرەی کۆمسیۆنی هەڵبژاردنەکانی عێراق لە ماوەی نیوەی یەکەمی مانگی داهاتوودا، تیروپشک بۆ ژمارەی لیست و بەربژێران دەکرێت.

 

وێنە گەورەکە: لە ڕۆژی 18-7-2024، کۆمسیۆنی هەڵبژاردنەکان دەرگەی تۆمارکردنی لیست و بەربژێرانی داخست، دوای ئەوە پرۆسەی تیروپشکی دیاریکردنی ژمارەی لیست و بەربژێران دەکرێت.

 

لێدوانی فەرمی: جومانە غەلای، گوتەبێژی کۆمسیۆنی باڵای هەڵبژاردنەکانی عێراق بە ئاڤا نیوزی ڕایگەیاند، " لە نیوەی یەکەمی مانگی هەشتی داهاتوو، تیروپشک بۆ ژمارەی لیست و بەربژێرەکان دەکەین".

 

ئەوەی پێویستە بیزانیت: ناو و زانیاریی  لیست و بەربژێرە نوێیەکان ئاراستەی بەغدا دەکرێت، دوای ڕەزامەندی دەستەی دەستپاکی و وەزارەتی ناوخۆی هەرێمی کوردستان پەسەند دەکرێن و تیروپشکیان بۆ دەکرێت.