لە سلێمانی ڕێژەی دەرچوون لە پەیمانگەیەکی نابینایان ٪100 بووە

ئاڤا نیوز

لە سلێمانی ڕێژەی دەرچوونی قووتابیان لە پەیمانگەی ڕووناکی بۆ نابینایان ٪100 بووە، لە پەیمانگای هیوای نابیستانیش ٪98 بووە.

وێنە گەورەکە: ژمارەی قووتابیانی هه‌ردوو په‌یمانگای‌ هیوا و ڕووناكی لە سلێمانی بۆ ساڵی 2023‌ -2024، 55 قووتابی بووە، له‌ قۆناغی‌ نۆی‌ بنه‌ڕه‌تی‌ به‌شداری‌ تاقیكردنه‌وه‌ نیشتیمانییه‌کانیان کردووە.

ڕاگەیێنراوی فەرمی: بەڕێوەبەرایەتی گشتی پەروەردەیی سلێمانی ڕایگەیاند:" لەکۆی 50 قوتابی لە پەیمانگەی هیوای نابیستان تەنیا یەک دەرنەچوو هەبووە و لە پەیمانگای ڕووناکی بۆ نابینایان لە کۆی 22 قوتابی سەرجەمیان دەرچوون و ئەوەش دەگەڕێتەوە بۆ ماندووبونی بەڕپرسان و مامۆستا و کارمەندانیان".

ئەوەی پێویستە بیزانیت: بەشی هەرە زۆری ئەو قووتابخانانەی لە سنووری پارێزگای سلێمانی ئەمساڵ بایکۆتیان تێدا نەکراوە، ڕێژەی دەرچوون و هێنانی نمرە لە بەرزترین ئاست دا بووە بە بەراورد لەگەڵ ئەو قووتابخانانەی بایکۆتیان تێدا کراوە.