لە ڤەنزوێلا هەڵبژاردنی سەرۆكایەتی دەكرێت

ئاڤا نیوز

لە ڤەنزوێلا 7.7 ملیۆن هاووڵاتی ڕۆژی یەكشەممە دەچنە سەر سندوقەكانی دەنگدان و بەربژێری دڵخوازیان بۆ سەرۆكی وڵاتەكە هەڵدەبژێرن.

وێنە گەورەكە: لەگەڵ ئەوەی دۆخی سیاسی و ئابوری و ئەمنیی ڤەنزوێلا زۆر باش نییە، بڕیارە 28ی تەمووز هاووڵاتییانی ئەو وڵاتە  بچنە سەر سندوقەكانی دەنگدان بۆ هەڵبژاردنی سەرۆكێك بۆ وڵاتەكە، ئەمە گرنگترین هەڵبژاردنە لە مێژووی ئەو وڵاتەدا.

ئەوەی پێویستە بیزانیت: نیكۆلاس مادۆرۆ زیاتر لە 10 ساڵ لەمەوبەر دەسەڵاتی گرتەدەست و بەوە تۆمەتبار دەكرێت زیانێكی گەورەی لە ئابووری و سیاسەت و سەرمایەی وڵاتەكەداوە.

ئەوەی پێشبینی دەكرێت:پێشبینی دەكرێت زۆرترین هاووڵاتی لە وڵاتەكەدا بەشداری لە هەڵبژاردنەكەدا بكەن، لەبەر ئەوەی هیوایان بە ئۆپۆزسیۆن هەیە و ڕاپرسییەكان دەریدەخەن نیكۆلاس هەڵبژاردنەكەدا دەیدۆڕێنێت.

ئەمەش بزانە: ڤەنزوێلا گەورەترین وڵاتی وەبەرهێنانی نەوتە، بەڵام دۆخی دارایی وڵاتەكە زۆر خراپە و ئاستی ئابووری هاووڵاتیان لە ئاستێكی باشدا نییە.