لە شەقامەکانی هەڵەبجە 100 سەر ئاژەڵ دەستبەسەر دەکرێن

ئاڤا نیوز

سەرۆكایەتیی شارەوانیی هەڵەبجە لە كۆڵان و شەقامە گشتییەكان دەستبەسەرکردنی 100 سەر ئاژەڵی ماڵی ڕاگەیاند.

وێنە گەورەكە: بەهۆی بەڕەڵاكردنی گا و مانگا و ماڵات لە كۆڵان و شەقامە گشتییەكانی شاری هەڵەبجە، زیانی زۆر بە دار و درەختی باخچەكانی شارەكە گەیشتووە، وێڕای ئەوەی سیمایەکی ناشارستانی شارەکەیە.

 

ڕاگەیێنراوی فەرمی: سەرۆكایەتیی شارەوانی هەڵەبجە ئەمڕۆ شەممە ڕایگەیاند،  100 سەر ئاژەڵیان دەستبەسەر کردوون.

زانیاریی زیاتر: هەڵمەتەكە لە ڕۆژانی داهاتووشدا بەردەوام دەبێت و خاوەن ئاژەڵەکان ئاگادار دەکرێنەوە چیتر ئاژەڵەکانیان بەرەڵا نەکەن.