پزیشکیان: لەسەر ڕێنماییەکانی خامنەیی کار دەکەم

ئاڤا نیوز

 

پزیشكیان بەڵێن دەدات لە چوارچێوەی دیدگاکانی ڕێبەردا کار بکات، هاوکات خامنەیی داوا دەکات هەمووان یارمەتی بدەن. 

 

وێنە گەورەکە:  ئەمڕۆ یەکشەممە 28-07-2024، ڕێوڕەسمی بەخشینی دەسەڵاتی سەرۆککۆماری لەلایەن ڕێبەری باڵای ئێران بە مەسعود پزیشکیان بەڕێوەچوو، تیایدا فەرمانی ڕێبەر بۆ بەخشینی دەسەڵاتی سەرۆککۆماری بە سەرۆک کۆماری هەڵبژێردراو خوێنرایەوە، چەند وتارێکیش پێشکەش کران. 

 

لێدوانی فەرمی: مەسعود پزیشکیان سەرۆککۆماری هەڵبژێردراو گوتی، "لە سەر بنەمای ئەو چوارچێوانەی کە ڕێبەر ڕایگەیاندووە دەستوور جێبەجێ دەکەم، ئەگەر بتوانین دیدگا و سیاسەتەکانی ڕێبەر جێبەجێ بکەین دەبینە باشترین و باڵاترین سەرۆککۆمار."

 

لە لایەکی دیکەوە: عەلی خامنەیی، ڕێبەری باڵای ئێران گووتی، "تا ئیستا دەیان هەڵبژاردنمان ئەنجام داون، هەموویان پڕ بوون لە ڕکابەری، سەلامەتی و بەشداریی خەڵک، پێویستە هەموومان یارمەتی سەرۆککۆمار و حکومەت بکەین تا کاری گەورە ئەنجام بدەن."

 

ئەوەی پێویستە بیزانیت: قۆناغی دواتر بریتی دەبێت لە سوێندخواردنی سەرۆککۆمار لە پەرلەمان و دەستبەکاربوونی بە شێوەیەکی فەرمی.