هاتووچۆی گەرمیان کارمەندێکی ژینگەدۆستی خەڵات دەکات

ئاڤا نیوز

 

بەڕێوەبەرایەتیی هاتووچۆی گەرمیان ئەو کارمەندەی خەڵات کرد کە لەگەڵ ڕاپەڕاندنی ئەرکەکەی، چەندین گوڵی چاندووە و هەموو ڕۆژێک ئاویان دەدات.

 

ڕاگەیێنراوی فەرمی: ڕۆژی 29-7-2024 بەڕێوەبەرایەتیی هاتووچۆی گەرمیان ڕایگەیاند: لە بەرامبەر ماندووبوون و گرنگیدانی بە ژینگە و پاراستنی گوڵ و داری شەقامەکانی شوێنی ئەرکەکەی، خەڵاتمان بە ئاکۆ هەمزە کارمەندی هاتووچۆ بەخشی.

 

بۆچی گرنگە: ئەم هەنگاوە دەبێتە پاڵنەرێک بۆ ئەوەی هاونیشتمانییەک گرنگی بە ژینگە بدەن و هەست بە بەرپرسیارێتی لە پاکڕاگرتنی بکەن.