چاكسازی ژنـان و منداڵان لە سلێمانی سکاڵا تۆمار دەکات

ئاڤا نیوز 

سکاڵا لەسەر ئەو میدیا و کەسانە تۆمار دەکرێت، کە هەواڵی ناڕاستیان لە بارەی ئەو کچەی هەفتەی ڕابردوو لە چاکسازی ژنان و منداڵانی سلێمانی ڕایکرد بڵاوکردووەتەوە.

وێنە گەورەکە: 28-7-2024، کچێکی تەمەن 16 ساڵ لە چاکسازی ژنان و منداڵانی سلێمانی هەڵات و دوای یەک ڕۆژ دەستگیر کرایەوە و شەش کەسیش بەهۆی هاوکاریبوون لە حەشاردانی دەستگیرکران.

لێدوانی فەرمی: کوێستان محەممەد، وەزیری کار و کاروباری کۆمەڵایەتی هەرێمی كوردستان بە ئاڤا  نیوزی گوت: چاكسازی ژنـان و منداڵانی سلێمانی سکاڵا لە دژی میدیایەک تۆمار دەکات کە هەواڵی ناڕاستییان لەسەر بەڕێوەبەرایەتیەکەیان بڵاوکردووەتەوە و ناوزڕاندنیان پێ کردووە و داوای قەرەبووی ماددی و مەعنەوی لەو مێدیایە دەکەن.

ئەوەی پێویستە بیزانیت: لیژنەیەکی لێکۆلینەوە پێکهێنراوە هەرکەسێک لە کاتی هەڵاتنی زیندانیەکە کەمتەرخەم بووبێت بە تووندترین شێوە سزا دەدرێت. کوێستان محەممەد وا دەڵێت.