ئەندازەی پاركەكانی هەولێر: دار دەدەینە هەر كەسێك لەبەردەم ماڵەكەی بیچێنێت

ئاڤا نیوز  

بەڕێوەبەرایەتیی ئەندازەی پاركەكانی هەولێر، دار بە هەر هاونیشتیمانییەك دەدات كە لەبەردەم ماڵەكەی بیچێنێت.

ڕاگەیێنراوی فەرمی: بەڕێوەبەرایەتیی ئەندازەی پاركەكانی هەولێر ڕایگەیاند: ژینگەی هەولێر پێویستی زیاتری بە سەوزایی هەیە، داواکارین لە هاووڵاتیان بەشدار بن لە زیاترکردنی ڕێژەی سەوزایی ئەویش بە چاندنی دار لە پێش ماڵەکانیان، ئێمەش هاوکاریان دەبین لە دابینکردنی دار و ڕێنمایی کردنیان بۆ بەرەوپێشبردنی سەوزایی.

ئەوەی پێویستە بیزانیت: بەڕێوەبەرایەتییەكە دەستی بە هەڵمەتێكی گشتیی چاندنی نەمام لە گەڕەكەكانی شاری هەولێر كردووە، ئەمڕۆ وەك قۆناغی یەكەم زیاتر لە 100 داریان لەبەردەم ژمارەیەك ماڵ و دووكان و قوتابخانە چاندووە.

بۆچی گرنگە: چاندنی نەمام جگە لەوەی سوودی بۆ ژینگەو ئاو و هەوا و تەندروستی هەیە، دیمەنێکی جوانیش دەداتە گەڕەک و کۆڵانەکان.