تورکیا: لە عێراق ناكشێینەوە

ئاڤا نیوز 

ناوەندی بەرەنگاربوونەوەی هەواڵی ناڕاستی سەرۆکایەتی کۆماری تورکیا، ڕەتیدەكاتەوە هێزەكانیان لە عێراق بكشێننەوە.

وێنە گەورەکە: دوای ئەوەی لە چەند کەناڵێکی ئۆپۆزسیۆنی تورکیا، هەواڵی کشانەوەی هێزەکانی تورکیا لە عێراق بە پێی دوایین ڕێککەوتنی ئەمنیی نێوان ئەنقەرە و بەغدا بڵاوکرایەوە، سەرۆكایەتی كۆماری توركیا هەواڵەكە ڕەتدەكاتەوە.

ئەوەی پێویستە بیزانیت: میدیاكانی ئۆپۆزسیۆنی توركیا باس لەوە دەكەن، لە دوایین کۆبوونەوەی شاندی ئەمنیی عێراق و توركیا،  لەسەر کشانەوەی یەکجاری هێزەکانی تورکیا ڕێککەوتوون.

ڕاگەیێنراوی فەرمی: ناوەندی بەرەنگاربوونەوەی هەواڵی ناڕاست سەر بە سەرۆکایەتی کۆماری تورکیا ڕایگەیاند: لە ڕێککەوتنە ئەمنییەکەی نێوان بەغدا و ئەنقەرە، بە هیچ شێوەیەک بڕیاری لەم شێوەیە نەدراوە.

لە لایەكی دیكەوە: وەزارەتی بەرگریی تورکیا ناوەڕۆکی ڕێککەوتننامەکەی نێوان ئەنقەرە و بەغدای بڵاوکردەوە کە لەسەر " دروستکردنی سەنتەری مەشق و ڕاهێنان لە بەعشیقە" ڕێککەوتوون.