لایەنگرانی پارتی لەبەردەم مەكتەبی سیاسیی یەكێتی لە هەولێر گردبوونەوە

ئاڤا نیوز  

سەدان کەس لە لایەنگرانی پارتی، لەبەردەم مەکتەبی سیاسیی یەکێتی لە هەولێر گردبوونەوە و دروشمی "شانازی به‌ 31ی ئاب ده‌که‌ین"یان به‌رز کرده‌وه‌.

وێنە گەورەکە: پێشنیوەڕۆی ئەمڕۆ شەممە 31-8-2024 سەدان کەس لە لایەنگرانی پارتی دیموکراتی کوردستان بە ئاڵای کوردستان و حیزبەکەیانەوە لە شەقامی کەرکووکی شاری هەولێر گردبوونەوە، تاوەکو بەردەم بارەگای مەکتەبی سیاسیی یەکێتی لە هەولێر چوون و لەوێ دروشمەکانیان بەرزکردەوە.

زانیاریی په‌یامنێر: شه‌وکه‌ت قادر، پەیامنێری ئاڤا لە هەولێر لەنێو گردبوونەوەکە قسەی لەگەڵ ژمارەیەک لایەنگری پارتی کرد و ئەوان ڕایانگەیاند ئامانجی گردبوونەوەکەیان پشتگیرییە لە 31ی ئاب و دژی لێدوان و قسەکانی ئەم دواییەی بەرپرسانی یەکێتین کە دەڵێن "هەولێر وەردەگرینەوە" لایه‌نگرانی پارتی له‌ گردبوونه‌وه‌که‌ بۆ مایکی ئاڤا ده‌یانگوت "نه‌ک هه‌ولێر سلێمانیش وه‌رده‌گرینه‌وه‌".

ئەوەی پێویستە بیزانیت: دوێنێ هه‌ینی، مەکتەبی سیاسی پارتی دیموکراتی کوردستان له‌ وه‌ڵامی راگه‌یێنراوێکی مه‌کته‌بی سیاسیی یه‌کێتی سه‌باره‌ت به‌ ڕۆژی 31ی ئاب ڕایگەیاند: چەند هاوار بکەن، قسە بکەن و بەیاننامە بڵاو بکەنەوە، هەرچییەک دەکەن، حەقیقەتی 31ی ئابی 1996 ئەوەیە:31ی ئاب (دفع الافسد بالفاسد) بوو.