گەشتە ئاسمانییەکانی نێوان هەرێمی كوردستان و لوبنان هەڵوەشانەوە

ئاڤا نیوز

 

بەهۆی بۆردومانی بەردەوامی سوپای ئیسرائیل بۆ لوبنان، دوو گەشتی ئاسمانیی لە هەردوو فڕۆكەخانەی نێودەوڵەتیی هەولێر و سلێمانی هەڵوەشانەوە.

 

وێنە گەورەكە: بەهۆی شەڕ و پێكدادانی نێوان سوپای ئیسرائیل و حیزبوڵڵا لە لوبنان، زۆرێک لە وڵاتان گەشتە ئاسمانییەكانیان بۆ ئەو وڵاتە ڕاگرتووە و هێڵی ئاسمانیی عێراقیش سەرجەم گەشتەكانی هەڵوەشاندووەتەوە.

 

لێدوانی فەرمی: ئەحمەد هۆشیار، بەڕێوەبەری فرۆكەخانەی نێودەوڵەتیی هەولێر بە ئاڤا نیوزی ڕاگەیاند: هێڵی ئاسمانیی عێراق، سەرجەم گەشتەكانی لە سەرتاسەری عێراق بۆ لوبنان ڕاگرتووە، لە فڕۆكەخانەی نێودەوڵەتیی هەولێر، ئەمڕۆ گەشتێكی ئاسمانیی بۆ لوبنان هەبوو بەڵام هەڵوەشایەوە و كاتی دەستپێكردنەوەی گەشتەكانیش دیار نییە.

 

زانیاریی بەدەستهاتوو: بەپێی زانیارییەكانی ئاڤا نیوز هەر ئەمڕۆ لە فڕۆكەخانەی نێودەوڵەتیی سلێمانیش گەشتێكی ئاسمانی بۆ بەیرووتی پایتەختی لوبنان هەبووە و هەڵوەشاوەتەوە.