سێ دەزگای هەواڵگریی ئەمریکا: ڕووسیا هەڕەشەیە لەسەر هەڵبژاردن

ئاڤا نیوز

 

دەزگا هەواڵگرییەکانی ئەمریکا مۆسکۆ تۆمەتبار دەکەن بەوەی زانیاریی هەڵە لەبارەی هەڵبژاردنی ئەمریکا، بەتایبەت لە حەوت ویلایەتە یەکلاکەرەوەکان بڵاودەکاتەوە.

 

وێنەگەورەکە: لە سەرەتای بانگەشەی هەڵبژاردندا، ئەمریکا هەریەکە لە ڕووسیا و ئێران بە بڵاوکردنەوەی زانیاریی نادروست و هەڵە تۆمەتبار دەکات. 

 

بڵاوکراوەی فەرمی: لە بەیاننامەیەکی هاوبەشدا کە لەلایەن سێ دەزگای هەواڵگریی ئەمریکا [نووسینگەی هەواڵگریی فیدراڵیی ئەمریکا (FBI)، نووسینگەی بەڕێوەبەرایەتیی هەواڵگری نیشتمانی (ODNI) و دەزگای ئاسایشی ئەلیکترۆنی و ئاسایشی ژێرخان (CISA)] بڵاوکراوەتەوە، تێیدا ئاماژە بەوە کراوە "ڕووسیا بەهێزترین هەڕەشەیە" لەم حەوت ویلایەتەی ئەمریکا، هاوکات هۆشداری بە ڕووسیا دەدات "ئەم هەوڵانە هاندەری تووندوتیژین''.

 

زانیاریی زیاتر: ئەم حەوت ویلایەتە کە بە ویلایەتی خۆڵەمێشی دادەنرێن، بریتین لە ئەریزۆنا، نیڤادا، جۆرجیا، باکووری کالیفۆرنیا، پەنسیلڤانیا، میشیگان و ویسکۆنسێن، توانای یەکلاکردنەوەی ئەنجامی هەڵبژاردنیان هەیە لەنێوان دۆناڵد ترەمپ و کامالا هاریس.