دادگای دادی نێودەوڵەتی فەرمانی دەستگیرکردنی بۆ نەتانیاهۆ و گالانت دەرکرد

ئاڤا نیوز

 

دادگای تاوانە نێودەوڵەتییەکان فەرمانی دەستگیرکردنی بۆ بنیامین نەتانیاهۆ، سەرۆکوەزیرانی ئیسرائیل و یۆئاڤ گالانت، وەزیری بەرگریی پێشووی ئەو وڵاتە و محەممەد دیف، سەرۆکی سەربازی حەماس دەرکرد.

 

وێنە گەورەکە: دادگای تاوانە نێودەوڵەتییەکان، فەرمانی دەستگیرکردنی بۆ هەریەک بنیامین نەتانیاهۆ، سەرۆکوەزیرانی ئیسرائیل و یۆئاڤ گالانت، وەزیری بەرگریی پێشووی ئەو وڵاتە دەرکرد، بەهۆی تاوانەکانی دژی مرۆڤایەتیی و تاوانی جەنگ کە لانیکەم لە 8ی ئۆکتۆبەری 2023ەوە تاوەکو 20 ئایاری 2024 ئەنجامدراون.

 

بۆچوونی لایەنی بەرامبەر: جەدعون ساعر، وەزیری دەرەوەی ئیسرائیل ڕایگەیاند، دادگای تاوانەکان "هەموو شەرعیەتێکی" لەدەستداوە، دوای ئەو فەرمانی دەستگیرکردنەی کە لە دژی سەرۆکوەزیرانی ئیسرائیل و وەزیری پێشووی بەرگری ئیسرائیل دەرکردووە.

 

باکگراوند: لە ماوەی زیاتر لە ساڵێكی شەڕ لە غەززە ،44 هەزار و 56 کەس کوژراون، 104 هەزار و 268 کەس برینداربوون.