هێزی ئاسمانیی عێراق و ئەمریکا مانۆڕێکی سەربازی هاوبەشیان ئەنجامدا

ئاڤا نیوز

 

فڕۆکەکانی هێزی ئاسمانیی عێراق مانۆڕێکی سەربازی هاوبەشیان لەگەڵ فڕۆکەکانی هێزی ئاسمانیی ئەمریکا ئەنجامدا.

 

وێنە گەورەکە: هێزەکانی ئەمریکا و هاوپەیمانی نێودەوڵەتی لە عێراق بەردەوامن لە پاڵپشتی هێزی سەربازی عێراق لە ڕووبەڕووبوونەوەی لە تیرۆر و کۆتایی هێنان بە پاشماوەی چەکدارانی داعش بۆ ئەو مەبەستەش چەندین ئۆپراسیۆن و مانۆری سەربازییان ئەنجام داوە.  

 

ڕاگەیێنراوی فەرمی: بەگوێرەی ڕاگەیێنراوێکی شانەی ئەمنیی عێراق، بەمەبەستی پەرەپێدانی تواناکانی هێزی ئاسمانیی عێراق و بەرزکردنەوەی ئامادەییان، مانۆڕێکی سەربازی هاوبەش لە نێوان پێکهاتەیەکی فڕۆکە ئێف 16کانی عێراقی و پێکهاتەیەکی فڕۆکەی بی 52 و ئێف 15ی هێزی ئاسمانی ئەمریکا ئەنجامدرا.

- ئەم مانۆڕە ئامادەیی بەرزی هێزە ئاسمانییەکانمان بۆ ڕووبەڕووبوونەوەی ئاستەنگە ئەمنییەکان نیشان دا.

- ئامانجی مانۆڕەکە پتەوکردنی پەیوەندییە سەربازییەکان و ئاڵوگۆڕی شارەزایی لە پلاندانان و جێبەجێکردن و یەکخستنی چەمکی هەنگاوی هاوبەش و کردنەوەی ئاسۆی نوێیە بۆ هاوکارییە سەربازییەکانی داهاتووی نێوان چەند وڵاتێک لەوانە فەرەنسا و ئەمریکا و ئیتاڵیا.