ئەمشەو براوەی ئۆتۆمبێلەکەی سەلام سەلامی ئاشکرا دەکرێت

ئاڤا نیوز

 

ئەمشەو ئەو کاتەیە کە مانگێکە بینەرانی سەلام سەلامی چاوەڕێن و براوەی ئۆتۆمبێلێکی کیلۆمەتر سفر کە لەلایەن کۆمپانیای ئین گۆت برۆکەرس دابینکراوە؛ ئاشکرا دەکرێت.

 

وێنە گەورەکە: لەگەڵ ئاڤا میدیا مانگی ڕەمەزان تام و چێژێکی دیکەی هەبوو، زنجیرەی خۆماڵی نایاب و بەرنامەی پڕ زانیاری و باڵکێش هێنرایە سەر شاشە، سەلام سەلامی، ئەو بەرنامە پڕ زانیارییەی شەوانی ڕەمەزان هەمووانی لە دەوری خۆی کۆدەکردەوە، بەشداربووانیش بە هەگبەی  پڕ زانیارییەوە بەشداریان کرد.

 

زانیاریی بەدەستهاتوو: ئەمشەو کاتژمێر 10 لەسەر قەڵای هەولێر لە بەرنامەیەکی تایبەتدا براوەی ئۆتۆمبێلەکە ڕادەگەیێنرێت.

 

ئەوەی پێویستە بیزانیت: لە کۆی 24 بەرنامەی مانگی ڕەمەزان 191 پەیوەندی لە سەرجەم شارە جیاوازەکانی کوردستان وەرگیران. 115 کەس ناویان خراوەتە ناو تیروپشکی خەڵاتی ئۆتۆمبێلە ناوازەکە.

 

لەلایەکی دیکەوە: ئەو بەرنامەیە دەرفەتی بەخشینی خەڵات تەنیا لە پەیوەندی تەلەفۆنی نەبوو، بەڵکو لە فەیسبووکیش پرسیار ئاراستەی بەشداربووان دەکرا و ئەوانەی وەڵامەکانیان دەزانی خەڵات دەکران، بەشداربووانی بەرنامەی سەلام سەلامی ناویان دەچێتە نێو تیروپشک بۆ وەرگرتنی ئۆتۆمبێل.