ئامادەکردنی لیستی مووچەی مانگی چوار کۆتاییهات

ئاڤا نیوز

ئامادەکردنی لیستی مووچەی مانگی چوار تەواو بوو، سەرجەم وەزارەت و دەستەکان بە سیستەمی پەیرۆڵ بۆ وەزارەتی داراییان ناردووە، لە وەزارەتی دارایی وردبینی بۆ دەکرێت و بەتەواوی ڕێکدەخرێت.

وێنە گەورەکە: هەوڵەکان بە مەبەستی ناردنی مووچەی مانگی چوار لە کاتی خۆی بەردەوامە، ئامادەکارییەکانی وەزارەتی دارایی کوردستان بۆ لیستی مووچە کۆتایی هات.

زانیاریی تایبەت: بەپێی ئەو زانیاریانەی لە وەزارەتی داراییەوە بە ئاڤا دراون کۆتایی ئەم هەفتەیە لیستەکە بۆ بەغدا دەنێردرێت.

لە لایەکی دیکەوە: هەفتەی داهاتوو شاندێکی تەکنیکی وەزارەتی دارایی کوردستان دەچێتە بەغدا، بۆ وەڵامدانەوەی پرسیار و تێبینییەکانی وەزارەتی دارایی عێراق، هەر هەفتەی داهاتوو دەست بە وردبینیکردن لە لیستی مووچە و ڕێککارەکانی خەرجکردنی پارە دەکرێت، بەو ئامانجەی ناردنی پارە و دابەشکردنی مووچە دوانەکەوێت و نەکەوێتە مانگی داهاتوو.