لە سلێمانی پۆستێک دوای هەشت مانگ یەکلایی دەکرێتەوە

ئاڤا نیوز

پۆستی بەرێوەبەری گشتیی پەروەردەی سلێمانی، بڕیارە سبەی یەکلایی بکرێتەوە و هەفتەی داهاتوو بەڕێوەبەری نوێ دەستبەکار بێت.

ئەوەی پیویستە بیزانیت: پێشووتر دڵشاد عومەر، بەڕێوەبەری گشتیی پەروەردەی سلێمانی بوو، چەند ڕۆژێک پێش ئێستا بەڕێوەبەرایەتیی چاودێریی گەشەپێدانی سلێمانی سەردانی کردووە و وەک بەڕێوەبەری گشتیی ناوی هێناوە، ئەمەش دەنگدانەوەی بەدوای خۆیدا هێنا، چونکە پێشووتر دەستلەکارکێشانەوەی لەو پۆستە پێشکەش کردبوو، دواتر دەنگۆی دانانی نەژاد عەبدوڵڵا لە شوێنەکەی هەبوو.

ئەمەش بزانە: دوو ڕۆژە بە فەرمانی د. ئالان حەمە سەعید، وەزیری پەروەردە نەژاد عەبدوڵڵا لەسەر میلاکی وەزارەتی پەروەردە وەکو بەڕێوەبەری گشتیی پەروەردەی سلێمانی بەوەکالەت دیاریکراوە.

لێدوانی فەرمی: نەژاد عەبدوڵڵا  بۆ ئاڤا میدیا گوتی، مامۆستا دڵشاد لە پۆستەکەی نەماوە و سبەی ئیفتیکاک (دەست لە کار هەڵگرتن)دەکات، "منیش ڕۆژی یەکشەممە موباشەرە دەکەم و دەستبەکار دەبم".