فوئاد حوسێن: هاوكاری ئەمنيی نێوان توركیا- عێراق بە پێویست دەزانین

ئاڤا نیوز

شاندێکی باڵای تورکیا بە سەرکردایەتی هاکان فیدان وەزیری دەرەوەی تورکیا، سەردانی بەغدای کردو لەلایەن فوئاد حوسێن وەزیری دەرەوەی عێراق پێشوازی لێکرا.

ڕاگەیێنراوی فەرمی: فوئاد حوسێن، لە تۆڕی " ئێکس" ڕایگەیاند: لە کوبوونەوەیەکی دووقۆڵی بەرهەمداردا لەگەڵ هاکان فیدان و شاندی یاوەری، باسمان لە چەند پرسێکی بەرفراوانی  ناوچەیی کرد.

بابەتی ستراتیژی: هەردوولا جەختمان کردەوە لەسەر پێویستی هاوکاری لە بوارەکانی: ئەمنی، بازرگانی، ووزە، ئاو، پەروەردە و هەموو ئەو بوارانەی دیکە کە لە بەرژەوەندی هەردوو وڵاتدایە.

ئەوەی پێویستە بیزانیت: فوئاد حوسێن و هاکان فیدان باسیان لە سەردانەکەی ڕەجەب تەیب ئەردۆغان سەرۆککۆماری تورکیا کردووە، کە بڕیار وایە لە داهاتوویەکی نزیکدا سەردانی عێراق بکات.

زانیاریی زیاتر: فوئاد حوسێن سەردانەکەی ئەو شاندە بە قووڵبوونەوەی پەیوەندی نێوان هەردوو وڵات ناودەبات، هاوکارییە ئەمنییەکانی نێوان تورکیا- عێراقیش بە پێویست دەزانێت.

باکگراوند: ئەمڕۆ شاندێکی باڵای تورکیا، بە سەرۆکایەتی هاکان فیدان وەزیری دەرەوەی تورکیا، بە یاوەری هەریەک لە یەشار گولەر وەزیری بەرگری و ئیبراهیم کاڵن سەرۆکی دەزگای میت، بۆ کوبوونەوەی لووتکەی ئاسایشی تورکیا- عێراق سەردانی بەغدایان کرد.