دانیشتوانی گەڕەکی قڕگەی سلێمانی دوای خزمەتگوزاریی سەرەتایی دەکەن

ئاڤا نیوز

 

دانیشتوانی گەڕەکەکانی قڕگەی سلێمانی خزمەتگوزاریی سەرەتایان نییە و دوای بەدواداچوونیان لە ئاڤا کردووە تاوەکو دەنگیان بگەیەنێت بە لایەنی بەرپرس. 

 

وێنە گەورەکە: چەندین ساڵە دانیشتوانی گەڕەکەکانی قڕگەی سلێمانی بەدەست نەبوونی خزمەتگوزاری سەرەتاییەوە بێزاربوون و تاوەکو ئێستا لایەنی پەیوەندیدار بەڵێنی چارەسەرەی کێشەکانیانی نەداوە، جگە لە نەبوونی شەقامی قیرتاو و شۆستەی کۆنکرێت لە وەرزی هاوینیشدا تووشی گرفتی کەمئاوی دەبنەوە. 

 

زانیاریی پەیامنێر: چۆمان مەحموود، پەیامنێری ئاڤا باسی لەوەکردووە، ئەو گەڕەکانە خزمەتگوزاریان نییە، داوایان لە ئاڤا کردووە کە گوزەرانیان نیشانی بەرپرسانی سلێمانی بدات. 

 

زانیاریی زیاتر: ئەو گەڕەکانە شەقام و شۆستەیان نییە، ئاوی خواردنەوەشیان نییە و لە هاویناندا گرفتیان بۆ دروست دەبێت. 

 

لێدوانی لایەنی پەیوەندیدار: شارەوانی سلێمانی لەبارەی گرفتی دانیشتوانی ئەو ناوچەیە بە ئاڤای ڕاگەیاند، گەیاندنی خزمەتگوزاری پێویستی بە بودجە هەیە و لەم ساڵدا خزمەتگوزاریان پێ دەگات.