عێراق سەرقاڵی كڕینی سیستمی دژە فڕۆكە و ڕادارە

ئاڤا نیوز

 

عێراق بەنیازە سیستەمی دژە فڕۆکە و ڕادار بکرێت و بۆ ئەو مەبەستەش لەهەوڵدایە، گوتەبێژی فەرماندەیی هێزە چەکدارەکان دەڵێت "قۆناغی دووەمی گرێبەستەکە واژۆ کراوە".

لێدوانی فەرمی: لیوا یەحیا ڕەسوڵ، گوتەبێژی فەرماندەیی هێزە چەکدارەکانی عێراق ڕایگەیاند: سەرقاڵی تەواوکردنی  کڕینی سیستەمی ڕادارین، لیژنەی سەربازیشمان بۆ چەندین وڵات ناردووە بۆ ئەنجامدانی گرێبەستی کڕینی سیستەمی دژە فڕۆکە.

لە لایەکی دیکەوە: حسێن هاشم، ئەندامی لیژنەی ئاسایش و بەرگریی پەرلەمانی عێراق ڕایگەیاند: قۆناغی یەکەم لە گرێبەستی ڕادارەکان لە جۆری GM403 لەگەڵ کۆمپانیای تالیسی فەرەنسییە و ژمارەیان  چوار ڕادارە.

ئەوەی پێویست بیزانیت: عێراق قۆناغی دووەمی گرێبەستەکەی واژۆکردووە بۆ دابینکردنی 14 ڕادار بە بڕی 700 ملیۆن یۆرۆ لە چەند وڵاتێکی جیاواز.

بۆچی گرنگە: عێراق دەیەوێت سیستمی ڕادار و دژە فڕۆکە لە پارێزگاکانی (نەینەوا، کەرکووک، بەغدا و دیوانیە)  جێگیر بکات، بوونی سیستەمەکەش وادەکات ئاسمانی ئەو پارێزگایانە پارێزراو بن.