حەوت تووشبووی نوێی تای خوێنبەربوون لە بەسرە تۆمار کران

ئاڤا نیوز

قەزای زوبێری پارێزگای بەسرە، حەوت تووشبووی نوێی پشتڕاستکراوەی بە تای خوێنبەربوون تۆمار کرد، تووشبووەکانیش گواستراونەتەوە بۆ نەخۆشخانە و ئێستا لەژێر چاودێریدان.

 

وێنە گەورەکە: نەخۆشی تای خوێنبەربوون کە لە ئاژەڵەوە دەگوازرێتەوە بۆ مرۆڤ، لە سەرەتای ئەمساڵەوە لە شارەکانی ناوەڕاست و باشووری عێراق بە شێوەیەکی بەربڵاو بڵاوبووەتەوە.

 

زانیاریی بەدەستهاتوو: بەگوێرەی سەرچاوەیەکی پزیشکیی کە قسەی بۆ میدیای عێراق کردووە ڕاگەیاند: "زوبێر لە ماوەی کاتژمێرەکانی ڕابردوودا تۆمارکردنی حەوت تووشبووی بە تای خوێنبەربوونی بەخۆیەوە بینیوە و هەموو تووشبووان گواستراونەتەوە بۆ نەخۆشخانە و ئێستا لەژێر چاودێریدان و ڕێوشوێنی پزیشکیی پێویستییان بۆ گیراوەتەبەر".

 

ئەوەی پێویستە بیزانیت: بەگوێرەی ئامارە فەرمییەکانی وەزارەتی تەندروستیی عێراق، لە سەرەتای ئەمساڵەوە 123 کەیسی پشتڕاستکراوەی تووشبوون بە تای خوێنبەربوون تۆمارکراوە، لەو ژمارەیە تاوەکو ئێستا 19 کەس گیانیان لەدەستداوە.