ئاگرێکی گەورە لە فەرەنسا کەوتووەتەوە کەسێک بەهۆیەوە گیانی لەدەستدا

ئاڤا نیوز

ئاگرێکی گەورە لە باشوری فەرەنسا کەوتووەتەوە و زیاتر لە دوو هەزار و 400 هێکتار زەوی کشتوکاڵی سوتاون. بەو هۆیەوە کەسێک گیانی لەدەستداوە.

وێنە گەورەکە: میدیا ناوخۆییەکانی فەرەنسا باس لە ئاگرکەوتنەوەیەکی گەورە لە باشوری فەرەنسا دەکەن. هۆشداریش دەدرێت لە خێرا تەشەنەکردنی ئاگرەکە بەشێوەیەکی فراوانتر.

ڕاگەیێنراوی فەرمی: میدیاکانی فەرەنسا ڕایانگەیاند، بەهۆی ئەو ئاگرەی لە باشووری وڵات کەوتووەتەوە، کەسێک لە ماڵەکەیدا سوتاوە و گیانی لەدەستداوە، چەند کەسێکی دیکەش برینداروبوون، تا ئێستا هەزار و 500 کارمەندی ئاگرکوژێنەوە لە هەوڵی کوژاندنەوەی ئاگرەکەن.

لەلایەکی دیکەوە: تیمەکانی ئاگرکوژێنەوە ڕایانگەیاندووە، ئاگرەکە بە خێراییەکی زۆر تەشەنە دەکات بە جۆرێک کە تەنیا لە 12 کاتژمێردا 11 هەزار هێکتار زەوی سوتاوە، ئەمەش بە گەورەترین ئاگرکەوتنەوە لەمساڵدا لە فەرەنسا تۆمارکراوە.

ئەمەش بزانە: باشووری ئەوروپا ئەم هاوینە چەندین ئاگرکەوتنەوەی گەورەی بەخۆوە بینیوە، توێژەران هۆشداری دەدەن کە گۆڕانی کەشوهەوا و وشکەساڵی هۆکاری ئاگرکەوتنەوەکان زیاتر دەکات.