بڕیاری كردنەوەی كۆلێژی پزیشكیی هەڵەبجە جێبەجێ دەكرێت

ئاڤا نیوز

بڕیاری سەرۆكوەزیران بارزانی بۆ كردنەوەی كۆلێژی پزیشكیی هەڵەبجە جێبەجێ دەكرێت و پێداویستییەكانی بۆ دابین دەكرێن.

وێنەگەورەكە: لە کاتی سەردانەکەی بۆ هەڵەبجە، یەکێک لە بەڵێنەکانی سەرۆكوەزیران بارزانی کردنەوەی کۆلێژی پزیشکی بوو لە پارێزگاکە، ئێستاش دەست بە ئامادەکاری کراوە بۆ کردنەوەی کۆلێژەکە.

ڕاگەیێنراوی فەرمی:   د. سامان بەرزنجی، وەزیری تەندروستی و ڕاوێژکار و بەڕێوەبەرانی گشتی، پێشوازیان کرد لە ئازاد توفیق، پارێزگاری هەڵەبجە و تیمی یاوەریان لە د. مهاباد کامیل، سەرۆکی زانکۆی هەڵەبجە و د. تاهیر هەورامی، ئەندامی بۆردی دامەزراندن.

زانیاریی زیاتر: هەردوولا گفتوگۆیان کرد لەبارەی کردنەوەی کۆلێژی پزیشکی و دابینکردنی پێداویستییەکان  بۆی.

خاڵی ئەرێنی: وەزیری تەندروستی پاڵپشتی و هەماهەنگی وەزارەت و دامودەزگاکانی تەندروستی بۆ کردنەوەی کۆلێژەکە لە زووترین کاتدا دەربڕی، بەتایبەت دابینکردنی مامۆستا و پزیشک و ستافی پێویست.