یەكەم وێنەگری كورد كە جینۆسایدی هەڵەبجەی تۆمار كرد بەڵگەكانی نمایش دەكات

 ئاڤا نیوز

 دەزگای ڕۆشنبیریی زانکۆکانی جیهان، سیمینارێک بە ژێر درووشمی "کارەساتی هەڵەبجە لە چاوی کامێرای تەها تەیفوور" بەڕێوە دەبات، ئەو وێنەگرە كوردەی یەكەم كەس بوو جینۆسایدی هەڵەبجەی بە كامێراكەی تۆمار کرد.

 

وێنە گەورەكە: تەها تەیفوور وەکو یەکەم وێنەگر و تاکە وێنەگری کورد، توانی دیمەنەکانی جینۆسایدی هەڵەبجە لە ساڵی 1988 تۆمار بکات.

ئەوەی پێویستە بیزانیت: جارێکی دیکە تەها تەیفوور بە کۆمەڵێک بەڵگەوێنە، جینۆسایدی هەڵەبجە دەخاتەڕوو، ئێستاش بەڵگەوێنەکان وەکو ڕۆژی یەکەم باس لە ئازارەکان دەکەن، لەم سیمینارەشدا چەند نمایشێک ئەنجام دەدرێن.

زانیاریی زیاتر: ئەم سیمینارە ڕۆژی شەممە 27ی ئەم مانگە، کاتژمێر چوار لە دەزگای ڕۆشنبیریی زانکۆکانی جیهان لە هەولێر بەڕێوە دەچێت.