یاریدەدەری ئەردۆغان: عێراق بۆ ئێمە زۆر گرنگە

ئاڤا نیوز

 

یاریدەدەری سەرۆککۆماری تورکیا، سەردانەکەی ڕەجەب تەیب ئەردۆغان، سەرۆککۆماری تورکیا بە سەردانێکی گرنگ و مێژوویی ناو دەبات و دەڵێت، جوگرافیای عێراق ڕێگەی گواستنەوەیە بۆ تورکیا.

 

وێنە گەورەکە: بۆ یەکەمجار عێراق پەکەکەی وەک گرووپێکی قەدەغەکراو ناساند و تورکیاش ئەمە بە هەنگاوێکی گرنگ ناو دەبات.

 

لێدوانی فەرمی: جەودەت یڵماز، یاریدەدەری سەرۆککۆماری تورکیا ڕایگەیاند: "عێراق بۆ ئێمە زۆر گرنگە، لە جموجۆڵی گەشتیارییەوە بۆ چالاکییەکانی دیکە؛ ئێمە دەزانین کاڵاکانمان لەڕێگەی عێراقەوە بۆ وڵاتانی دیکەش دەگوازرێنەوە".

 

زانیارییە بەدەستهاتووەکان: قەبارەی ئاڵوگۆڕی بازرگانیی نێوان تورکیا و عێراق 20ملیار دۆلارە و کارگە و کۆمپانیا تورکییەکان بایی 35ملیار دۆلار لە عێراق وەبەرهێنان دەکەن.