سبەی سەنتەرێکی ئۆتیزم لە ئاکرێ دەکرێتەوە

ئاڤا نیوز

سبەی یەکەم سەنتەری ئۆتیزم لە ئاکرێ دەکرێتەوە، كە هەشتەم سەنتەری حکومییە لە هەرێمی کوردستان.

وێنە گەورەکە: ئۆتیزم یه‌كێكه‌ له‌ نەخۆشیە باوه‌كانی جیهان، تووشبووەکە دووچاری گۆشه‌گیری ده‌كات و ڕه‌فتاری تێكده‌دات، تاوەکو ئێستا لە هەرێمی کوردستان بەفەرمی سێ هەزار و 665 منداڵی ئۆتیزم تۆمار کراون.

لێدوانی فەرمی: د. دلاوەر بوزوو، قایمقامی ئاکرێ بە ئاڤا نیوزی گوت: "سبەی یەکەم سەنتەری ئۆتیزم لە ئاکرێ دەکرێتەوە، بە ئامادەبوونی وەزیری کار، تاکو ئیستا پزیشكی بۆ  دیاری نەکراوە، بەڵام هەموو پزیشكەكان ناوخۆیی دەبن".

لە لایەکی دیکەوە: د. دانیال سەعدی حامد، مامۆستای زانکۆ و هەڵگری بڕوانامەی دکتۆرا لە نەخۆشییە دەروونییەکان بۆ ئاڤا نیوز گوتی: تاکو ئێستا هۆکارێکی سەرەکی تووشبوونی بە ئۆتیزم دیاری نەکراوە، بەڵام چەند بیردۆزێک بۆ تووشبوون بەم نەخۆشییە هەن، ئەوانیش "بۆماوەیی، شێوازی پەروەردەکردن، گەشکەی لەناکاو، تەکنەلۆجیا و تەنانەت خواردنیش".