وەزارەتی ئەوقاف لیژنەیەک لەسەر هاوسەرگیری مسیار پێكدەهێنێت

ئاڤا نیوز

بۆ ڕوونکردنەوەی ئەو بابەتانەی کە لەسەر هاوسەرگیری مسیار هەن، وەزارەتی ئەوقاف و کاروباری ئایینی حكومەتی هەرێمی كوردستان لیژنەیەکی پێکێناوە.

وێنە گەورەکە: دەنگۆی بەڵاوبوونەوەی هاوسەرگیری مسیار لە هەرێمی کوردستان هەیە، بۆ بەدواداچوون و ڕوونکردنەوەی بابەتەکە وەزارەتی ئەوقاف لیژنەیەکی پێکهێناوە.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و کاروباری ئایینی هەرێمی کوردستان، بە ئاڤا نیوزی ڕاگەیاند: "ئەو لیژنەیە پێکهێنراوە، بۆ دەرخستنی ڕاستی ھەر ڕووداوێکە کەدێتە پێشەوە، ئێمە پێش ڕووداوەکان ناکەوین و چاوەڕێی ئەنجامی کۆتایی کاری لیژنەی تایبەت دەکەین".

زانیاریی زیاتر: ھەر بڕیارێک لیژنەی تایبەت بیدات، ئەمە بڕیاری فەرمیەو ھەموو لایەک پێیەوە باپەند دەکرێن. نەبەز ئیسماعیل وا دەڵێت. 

باكگراوند: هاوسەرگیری مسیار لە نێوان ژن و پیاودا بەشێوەی نهێنی دەكرێت، جاری وایە لەبەر پارە و هەندێکجاریش لەبەر چێژ دەكرێت.