سەرۆکوەزیران بارزانی: پێویستە زانکۆکان یارمه‌تیده‌ری گەشەپێدانی ژێرخانی ئابووری بن

ئاڤا نیوز

 

لە هەولێر بە ئامادەبوونی سەرۆکوەزیران بارزانی و بە بەشداری 80 زانکۆ و دامەزراوەی زانستی، دیداری خوێندنی باڵای ئوردن - کوردستان بەڕێوەچوو.

 

وێنە گەورەکە: دیداری خوێندنی باڵای ئوردن - کوردستان، لە شاری هەولێر بە دروشمی (وێناکردنی ئایندە لە ڕێگەی پەرەپێدانی بەردەوام) بەڕێوەچوو و سەرۆکوەزیران بارزانیش ئامادە بوو.

 

لێدوانی فەرمی: سەرۆکوەزیران بارزانی لە پلاتفۆرمی ئێکس نووسیویەتی" "لە دیداری خوێندنی باڵای هەرێمی کوردستان و ئوردن، جەختمان کردەوە کە پێویستە زانکۆ و ناوەندە ئەکادیمییەکانمان، له‌ ئاستی پێشکەوتنە خێراکانی سەردەمدا بن و ببنه‌ یارمه‌تیده‌ری پرۆسەی گەشەپێدانی ژێرخانی ئابووری".

 

زانیاریی زیاتر: دیدارەکە لەلایەن وەزارەتی خوێندنی باڵا و توێژینەوەی زانستی حکومەتی هەرێمی کوردستان بە هەماهەنگی لەگەڵ وەزارەتی خوێندنی باڵا و توێژینەوەی زانستی شانشینی ئوردن ڕێکخراوە.