لە دهۆک سەرپێچی سەر تۆڕەکانی کارەبا لادەبرێن

ئانا نیوز
      
وەزارەتی کارەبای هەرێمی کوردستان ڕایدەگەیێنێت، لە دهۆک هەڵمەتی نەهێشتنی سەرپێچی سەر تۆڕەکانی کارەبا بەردەوامە و 20 سەرپێچیکار سزا دراون.

 

وێنە گەورەکە: لە درێژەی کار و چالاکییەکانی وەزارەتی کارەبای حکومەتی هەرێمی کوردستان بۆ نەهێشتنی سەرپێچی سەر تۆڕەکانی کارەبا، تیمەکانی بەڕێوەبەرایەتیی کارەبای دهۆک لە  هەڵمەتێکدا لە بيتاس، تاڤەرەش و ئەڤریک دەستیان بە لابردنی سەرپێچی سەر تۆڕەکانی کارەبا کرد.

 

بڵاوکراوەی فەرمی: وەزارەتی کارەبا لە ڕاگەیەنراوێكدا گوتی، تیمەکانی کارەبای دهۆک لە هەڵمەتێکدا لە بيتاس، تاڤەرەش و ئەڤریک دەستیان بە نەهێشتنی سەرپێچی سەر تۆڕەکانی کارەبا کرد و 20 سەرپێچیکاریان سزادا.

 

باکگراوند: پێشتر وەزارەتی کارەبا ڕایگەیاندبوو، توانراوە 60 هەزار 682 سەرپێچی لەسەر تۆڕەکانی کارەبا بەهۆی پێوەری زیرەک دەستنیشان بکرێت.