مەترسیدارترین تۆڕی بازرگانیی ماددەی هۆشبەر دەستگیرکران

ئاڤا نیوز

دەزگای ئاسایشی نیشتمانی عێراق ڕایگەیاند، یەکێک لە مەترسیدارترین تۆڕی بازرگانیی ماددەی هۆشبەر دەستگیرکراون کە کۆگای ماددەکانیان لە سلێمانی بووە.

ڕاگەیێنراوی فەرمی: دەزگای ئاسایشی نیشتمانی عێراق ڕایگەیاند: لە بەردەوامی هەڵمەتەکان دژ بە بازرگان و بەکارهێنەرانی ماددە هۆشبەرەکان، هێزەکانمان توانییان یەکێک لە مەترسیدارترین تۆڕی بازرگانی و قاچاخچێتی بە ماددەی هۆشبەر هەڵبوەشێننەوە.

زانیاریی زیاتر: هێزەکانی دەزگای ئاسایشی نیشتیمانی عێراق ئۆپەراسیۆنەکەیان بە هەماهەنگی لەگەڵ ئاسایشی باکووری بەغدا و بەڕێوەبەرایەتیی ئۆپەراسیۆنەکانی ئاسایشی سلێمانی ئەنجامداوە و ئەندامانی تۆڕەکەش لەکاتی تاواندا دەستگیرکراون.

ئەوەی پێویستە بیزانیت: تۆڕەکە زیاتر لە 20 کیلۆگرام ماددەی کریستاڵیان لە پارێزگاکانی عێراق دابەش کردووە، بازرگانی سەرەکی لە سلێمانی کۆگایەکی تایبەتی بە ماددەکان هەبووە.

باکگراوند: ڕۆژی 2-5-2024، هێزەكانی بەڕێوەبەرایەتی نەهێشتنی ماددە هۆشبەرەكانی سەر بە دەزگای ئاسایشی هەرێمی كوردستان، لە سنووری گەرمیان دەستیان بەسەر كارگەیەكی ماددەی هۆشبەردا گرت، چوار تۆمەتباریشان دەستگیر کرد.