ئیسرائیل ئوردن بە "ئاو" سزا دەدات

ئاڤا نیوز

 

پاڵپشتییەکانی ئوردن بۆ غەززە ئیسرائیل توڕەدەکات و تەلئەڤیڤ نیازی وایە ئاو لەسەر ئەو وڵاتە بگرێتەوە.

 

وێنە گەورەکە:  بەهۆی هەڵوێست و پاڵپشتییەکانی ئوردن لە کەرتی غەززە، تەلئەڤیڤ دەیەوێت ئاو لە ئوردن بگرێتەوە. ئەم  بڕیارە دوای گفتووگۆیەکی درێژی ناوەخۆی حکومەتی ئیسرائیل دێت، کە بەکۆی دەنگ ئیدارەی ئیسرائیل ڕەتیکردەوە ڕێککەوتنی ئاو بۆ ماوەی پێنج ساڵی دیکە درێژبکاتەوە، بەمەش تا شەش مانگی دیکە بەتەواوی پڕۆسەکە دەوەستێت.

 

بۆچی گرنگە: ئەم بڕیارە لە کاتێکدایە، بە هۆی گرژییە سیاسییەکانی ناوچەکە، ئوردن بەدەست کەمی ئاوەوە دەناڵێنێت.

 

باکگراوند: لە ساڵی 1953 ئیسرائیل پڕۆژەیەکی بۆ چارەسەرکردنی کێشەی ئاوی ئوردن خستە بواری جێبەجێکردنەوە، پرۆژەکە بە"پڕۆژەی نیشتیمانی" ناسراوبوو، کە تێیدا بەشێکی زۆر لە سەرچاوەکانی ڕووباری ئوردن و دەریاچەی تیبریاس بە شێوەیەکی تاکلایەنە گواسترانەوە بۆ باشووری نەگێڤ.