شاندێکی هەرێمی كوردستان بۆ پەسەندکردنی وەرگرتنی گەنمی جووتیاران دەچێتە بەغدا

ئاڤا نیوز

چاوەڕوان دەکرێت شاندێکی وەزارەتی کشتوکاڵی هەرێمی کوردستان، بۆ پەسەندکردنی بڕیاری سوودانی سەبارەت بە وەرگرتنی گەنم بچێتە بەغدا.

وێنە گەورەکە: بە هەوڵی سەرۆکوەزیران بارزانی لە دوای 10 ساڵ، بڕیارە عێراق 975 هەزار تۆن گەنم لە جووتیارانی هەرێمی کوردستان وەربگرێت، ئێستاش ڕێکارەکان دەستیپێکردووە.

لێدوانی فەرمی:"لەم هەفتەیەدا شاندی وەزارەتی کشتوکاڵ دەچێتە بەغدا، بۆ بەدواداچوون و پەسەندکردنی بڕیاری سوودانی سەبارەت بە وەرگرتنی بڕی دیاریکراوی گەنم لە جووتیارانی هەرێمی کوردستان". د. زیدا محەممەد، بەرێوەبەری گشتیی پلاندانان  و بەدواداچوون لە وەزارەتی كشتوکاڵ وای بە ئاڤا نیوز گوت.

ئەوەی پێویستە بیزانیت: لە خشتەی بودجەی 2024 لەسەر خەرجیی حاکیمە، بڕی 742 ملیار و 715 ملیۆن دینار بۆ کڕینی دانەوێڵە لە جووتیارانی هەرێمی کوردستان تەرخان کراوە.